مش مهم فين …المهم هم عندهم الي انا عايزه؟؟؟؟

أ/ رشا 

انا معايا بكالوريس نظم معلومات ادارية ( حاسب الى ) أكاديمية القاهرة بالمقطم خريج سنة 2008 

انا اشتغلت مونتير فى شركة انتاج فنى لمدة سنتين  و اشتغلت سكرتير مدير ادراة
الالكتروميكانيكال بشركة اوراسكوم للسكان التعاونى لمدة سنتين وانا حاليا شغال مصمم جرافيك وصيانة اجهزة كمبيوتر فى معمل واستوديو تصوير
بس المشكلة عندى انى فى الوظائف دى كلها كنت شغال  من غير عقد او تامينات  

انا عندى خبرة فى مجال الكمبيوتر والملتيميديا كويس جداا  

وكنت عايز اشتغل فى شركة كبيرة واستقر فيها بعقد وتامينات واشتغل بقانون العمل 

السؤال هو
1-  المسمى الوظيفى للشهادة الجامعية بتاعتى ايه ؟ 

2- الشركات المقترحة  للتقديم فيها ؟ 


مش فاهمه يعني ياه المسمي الوظيفي للشهادة بتاعتك …. مش فاهمه السؤال دا …. المسمي الوظيفي بيكون للوظيفة مش للشهادة ..

انت الشهادة بتاعتك اسمها ( شهادة بكالوريوس علوم الحاسب ) من اكاديمية القاهرة. 

حسب علمي …. خريج علوم الحاسب بيعمل في مجال ( تكنولوجيا المعلومات والحاسبات ) في الشبكات او في البرمجه حسب التخصص.

بالنسبة للسؤال الثاني …. انت ممكن تقدم في اي شركة … لكن اثناء المقابلة الشخصية اسألهم هل فيه تامينات اجتماعية وعقود ام لا ؟؟؟؟

لو الأجابة نعم ….روح اعمل المقابلة لو الاجابة لااااااااااااا متروحش … 

انا شايفة ان خلال سنتين انت انتقلت في أكثر من وظيفة في أكثر من مكان …. خليني انبهك ان التنقل الكتير مضر مش مفيد حاول تختار كويس علشان تقعد مدة طويلة في الشركة.


(90)

Use Facebook to Comment on this Post

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>